STUBETE BADEN    
OKTOBER 2022 

Gschicht vo deStubete


 

Reise ans ESAF nach Estavayer 2016

 

Es sind emol 3 Aargauer Schwingfründe gsii, wo us Jux und Tollerei, mit eme alte Traktor (Lanz Bulldog) und

eme Chalet ufeme Ahänger zäme as Eidgenössische Schwingfäscht 2016 uf Estavayer le lac gfahre sind…

  

Es sind emol 3 Aargauer Schwingfründe gsii, wo us Jux und Tollerei, mit eme alte Traktor (Lanz Bulldog) und eme Chalet ufeme Ahänger zäme as Eidgenössische Schwingfäscht 2016 uf Estavayer le lac gfahre sind…

Bide Abfahrt in Aarau, während de Reis und am Schwingfäscht simmer vo Tele M1 und Radio Argovia begleitet

worde wo immer wider live vo eusere Tour de Suisse brichtet händ.

 Aargauer Zeitung




 


Unterwägs hämmer vili neui und alti Fründe troffe und de dihei blibene hämmer live via FB vo eusem Abentüür brichtet. Mer sind überwältiged gsii wieviell Lüt eus uf de Strecki, am Ziel und digital begleitet händ. Jung und Alt, egal öb mit lange oder churze Haar, Meitli oder Buebe.

  

 


Für euses Abentüür hämmer eus no äxtra es passends Tättüü mit eme Schereschnitt stäche la (de Dutly finds zwar

nöd lässig). Da mer im Chalet e gueti Musig Aalag und en Chüelschrank voll Getränk (Danke Feldschlösschen) gha

händ, simmer au bigoscht überall uufgfalle, aber überall willkomme gsii. Trotzdem mer de eint oder anderi

 Verchehrsteilnehmer es bizzeli ufgahlte händ.       



Will mer mit dene prägende Erläbnis nöd händ welle drüü Jahr warte bis zum nöchschte ESAF und händ im

nöchschte Johr die 1. Stubete in Baden duregfüehrt und händ eus gschwore, das mer eusi schöne Traditione

wänd pflege und möglichscht villne Lüüt (egal öb tättüwiert oder nöd) Land uf und Land ab wänd nöcher bringe.

             


1. Stubete in Bade 2017

(Motto "zäme es Fäscht")

Im Oktober 2017 hämmer dänn, ohni Budget aber mit ere cool Idee, mit villne Gäst us 4 Generatione eusi

1. Stubete duregfüert. Zäme mit Örgeli-Musiker, Trychle-Schwinger,Geissel-Chlöpfer und Alphorn-Blöser und

enere XXL Schnupfmaschine simmer zäme bi schönschtem Wätter vor em LWB in Bade ghocked, händ en Umzug

dur d'Badener Altstadt gmacht und händ am 10-i am Abig in LWB Club zur d'Alpechilbi iiglade. Deht händ eus

dänn de DJ Sigg und die national bekannte Bünzlikrachers bis früe in Morge musikalisch begleitet…

     


 

2. Stubete in Bade 2018

(Motto "Mini Schwingfäscht")

 

Unter em Motto mer mached's nomol, hämmer dänn voller Elan im 2018 e Mini Schwingarena ufgstellt, wo d'Nachwuchs-Schwinger vom Schwingclub Bade-Brugg de Gäst de Schwingsport nöcher brocht händ. Wider sind eusi Fründe vo de Trychlergruppe Dietike mit vo de Pary gsii, d'Bünzlis und au ächti Schwinger…

                                         

3. Stubete in Bade 2019

(Motto "Steistosse ")

  

Näbscht em Gedanke es grausamluschtigsgsüffigsgmüetlichs Fäscht zha, simmer alli beidruckt gsii vo dene

Steistösser*inne vom Turnverein Herznach. Mit Sport, Gsang, eusem Umzug und mit vill trinke, ässe und schnupfe bliibt eus au das Fäscht in bibaboimige Erinnerig...

                 

 

 4. Stubete in Bade 2020

(Motto "Stubete Aktie")

 

Nachdem de Bundesrat de ersti Lockdown verhängt und s'ganze Land mit Covid Uflage beleit hät, hämmer eusi

Stubete nöd chönne dure füere. Nüt mache isch kei Option und so hämmer d'Stubete Aktie erfunde. Für 150

Stutz hät mer bi eus chönne Aktionär*in werde und isch mit eme gluschtige Stubete Säckli mit feine Sache es em

Berner Oberland belohnt worde. Vo dene Aktie hämmer en schöne Batze (20%)  a d' Schwiizer Berghilf für es

Herzensprojekt chönne spände.


Will mer immer de Kontakt zu de Lüüt vermisst händ, simmer uf die wahnwitzigi Idee cho, die ca. 200 Dividände

dur die ganz Schwiiz go z'verteile. E logistischi Meischterleischtig wo eus i villi privati Stube gfüehrt und de eint

oder anderi Apéro beschert hät (fascht 2'000 km i 3 Täg). Völlig übermüedet aber glücklich hämmer am letschte

 Vill gueti Lüüt känne glernt, zum Apéro iiglade worde und übermüedet und glücklich scho die nöchscht Aktie besproche.   

                     

5. Stubete in Bade 2021

(Motto "Stubete Aktie 2.0 mit Stubete TV")

 

Demit mer eusi Lüt echli händ chönne unterhalte, hämmer u.a. Euses flügende Reporterteam (Ivi de Palaveri und

Stöps de Gwunderfitz) is Läbe gruefe. Mit dene beidne sind scho es paar sauglatti Filmli entstande.

            

Wäge dem cheibe Virus hämmer d'Stubete abermals müesse churzfristig um es Johr z'verschiebe. Zum Glück

hämmer no eusi neu Aktie gha. Das Mol hämmer de Inhalt us de Ostschwiiz gwählt. Vo Alpchäs, über Würscht,

bis zum sälber gmachte Birebrot. Mit eme Chäs-Holzbrättli und emene Stubete-Mässerli isch mer für jedes Picknick grüstet gsii. Mit em Gäld vo de Aktionär*inne hämmer es Chinder Skiwuchenänd vo de SwissSki chönne unterstütze.


                         

Jetzt gaht's (wider) los…!

 

Die azognig Handbräms isch glöst und mer übertriibed im 2022 grad zünftig. Zerscht as Nordweschtschwiizer Schwingfäscht, dänn as Eidgenössische Schwing- und Älplerfäscht uf Prattele und als Zücherli mache mer no eusi Stubete in Bade uf dem Theaterplatz…