Liebi Stubete Familie
Wie ihr viellicht bereits mitbecho händ, sind mir das Jahr schowieder mächtig underwägs und am gscheere gsi für euses Aktiepaket! Lang hämmer gfiiled und gfeilsched das mir euch s rundum Sorglosplättli chönned präsentiere!

Das Mal hend mir eus de Gaschtkanton Wallis usgsuecht! Drizäh Schtärne heis im Wappe - Drizäh Schtärne rot und wiss! De gueti Zwäck wird au das Jahr wieder biibhalte und de Batze gaht ad Nachberschaftshilf vom Oberwallis. Mängsmol muess mer garnid wiit sueche, bis mer e gueti Tat chan vollbringe. Und wenn ihr eus dasmal au wieder unterstützed, denn dörfed ihr euch uf folgends Wanderpäckli freue!...

Walliser Bärgstigerpäckli CHF 150
En Batze anen guete Zwäck
Brändets Mörtsch vo eusem Verein und zwar folgendes:
Isofläsche mitere Emailletasse
E Mässerli zum schniide und es Habersäckli für d'Verpflegig

Zum spachtle und trinke hämmer natürli au wieder öbbis regionals usem Wallis i eusere handbemolte Täsche und zwar folgendes:
Zweierlei Chäsli
Huuswürscht nach Grosis Art
Orginaals Roggebrot
Es Schlückli Wisse dörf natürlich au ned fähle!

D'Uusschüttig vo de Aktie erfolgt das Jahr am 07. Oktober 2023 im Reschtaurant Belvédère in Bade.Du chasch dini Aktie zwüsched em zwölfi und em vieri am Namittag persönlich choge abhole. Wichtig z'erwähne isch, dass alli Aktiepaket wo ned abgholt werded, eme guete Zwäck zuechömed und ned im Nachhinein na verschickt werded. Viele Dank für diis Verständnis.
Jetzt bstelle i eusem Hoflädeli